Pidato bahasa jawa singkat tentang perpisahan sekolah
Assalamu’alaikum wr. wb
Ingkang kinurmatan Bapak Kepala Sekolah ugi bapak ibu guru ingkang satuhu luhuring budi lan rencang-rencang kelas 6 ingkang kula tresnani.
Monggo kito sedaya ngaturaken puji syukur dhumateng Gusti Alloh ingkang maha Agung ingkang sampun maringaken sedoyo kanikmatan lan kewarasan dateng kito sedoyo, dumugi sakmeniko kito sedaya saged kempal wonten ing adicara perpisahan SDN 1 Mlopoharjo sak manika.
Kula, wakil saking rencang-rencang kelas 6 ngaturaken maturnuwun ingkang sak ageng-agengipun kagem bapak ibu guru ingkang sampun nggulawantah kulo lan sak konco-konco dateng pawiyatan menika ingkang dangunipun enem warsa.
Mboten keraos kulo lan rencang sebrayat sampun ngelampahi ngangsu kawruh wonten ing pawiyatan mriki. Wonten ing adicara menika, kulo kiyambak tuhu rencang-rencang nyuwun agenging pangapunten dhumateng bapak lan ibu guru amargi wonten ing enem warso ngangsu kawruh wonten pawiyatan mriki kulo lan sak rencang-rencang gadhah kalepatan ingkang dipun sengojo lan mboten disengojo. Mugi-mugi bapak lan ibu guru kerso ngapuntenaken sedoyo kelepatan kulo lan rencang-rencang sedoyo.
Satuhunipun kulo lan sak konco awrat sanget badhe nilaraken pawiyatan menika amargi sedoyo ingkang wonten dateng mriko sampun kados sederek lan kaluargo. Namung amargi kulo lan rencang-rencang kedah nglanjutaken ngangsu kawruh wonten ing pawiyatan ingkang luwih inggil, kulo lan rencang-rencang kedah saget dening ikhlas nilaraken pawiyatan menika.
Kadosipun sampun cekap semanten anggenipun kulo matur. Bilih menawi wonten kalepatan kulo nyuwun agenging pangapunten.
Wassalamu’alaikum wr. wb
